A restin fûr di cheste cundizion misare une piçule classe di artesans, piçui proprietaris e marcjadants che in gjenerâl a vivin tes citâts e tai centris plui grues.
In bande di cheste che e je la societât laiche, e je la societât religjose, che e à une impuartance culturâl, economiche e politiche su dute la comunitât.
Su la fin dal ducât langobart une grande part de popolazion dal Friûl e fevele une lenghe che aromai e je tant diferente dal latin e che e je simpri plui dongje a vê ducj i caratars dal furlan. In cheste situazion a son doi contats linguistics gnûfs che a puartin la lenghe di origjin latine a disvilupâ caratars gnûfs: i feudataris e i funzionaris, che a vegnin pe plui part dal mont todesc, e i colons slovens de ripopolazion.
I feudataris a son pôcs e in curt a imparin la lenghe dal puest, cundut che salacor no lassin la lôr lenghe gjermaniche, stant che a restin in contat cu lis lôr tieris e cu lis lôr fameis di divignince. I colons slovens a son une vore, ma si sparnicin in teritoris li che e je ancjemò int che e fevele la lenghe romaniche e si messedin cun chê: a man a man si fondin ad in plen e a pierdin la lôr lenghe, si ben lassant une olme impuartante su chel che al sarà il furlan.
In bande di cheste che e je la societât laiche, e je la societât religjose, che e à une impuartance culturâl, economiche e politiche su dute la comunitât.
La badie di Rosacis, che si pense fondade tal secul IX, e je stade par secui un centri di podê spirituâl, politic e economic.
Su la fin dal ducât langobart une grande part de popolazion dal Friûl e fevele une lenghe che aromai e je tant diferente dal latin e che e je simpri plui dongje a vê ducj i caratars dal furlan. In cheste situazion a son doi contats linguistics gnûfs che a puartin la lenghe di origjin latine a disvilupâ caratars gnûfs: i feudataris e i funzionaris, che a vegnin pe plui part dal mont todesc, e i colons slovens de ripopolazion.
I feudataris a son pôcs e in curt a imparin la lenghe dal puest, cundut che salacor no lassin la lôr lenghe gjermaniche, stant che a restin in contat cu lis lôr tieris e cu lis lôr fameis di divignince. I colons slovens a son une vore, ma si sparnicin in teritoris li che e je ancjemò int che e fevele la lenghe romaniche e si messedin cun chê: a man a man si fondin ad in plen e a pierdin la lôr lenghe, si ben lassant une olme impuartante su chel che al sarà il furlan.
2 comments:
Leint le storie, un sentiment di rancôr al mi nàs tal cûr cuintri i barbars di dutis lis sortis ma ancje cuintri ducj i furlans ch'a si son lassâts fâ praticamenti cence reazions.O crôt dal rest ch'o sin simpri compagns: Sotans fin tal vuès.Di fat, sa si vès sofiart avonde a no si ricevarès i Ungjars cun condesendence e in amîs cuant ch'a vegnin in Friûl a celebrâ lis lôr vitoriis. Fin mai, il nestri president e dute le marmae politiche e militâr e religjôse a zuiavin a fâ i soldatins di plomb par metissi in biele mostre ae inaugurazion de Capele Ungherês di Doberdó che no faseve âti che ricuardâ trós talians che a àn copât prime di murî lôrs stès. Un'âltre volte, par ricuardâ il grant valôr di chel salvadi di Attila, cualchi ant indaûr o vin lassât passâ in ungjars ch'a vignivin a fânus viodi trop mones e coions ch'o vin stât e ch'o sin ancjemó. Achi i leàms ch'a lu illustrin:
http://www.presidente.regione.fvg.it/dettaglioComunicato.asp?ID=17355
http://www.natisone.it/Gnovis/archivio/nuove120.htm
http://dedalo.azionecattolica.it/Content.aspx?Reference=8922
Ben, si à di cjalâ la storie cence rancûr: no si pues meti tal stes cont i Ongjars e i Ongjarês di vuê, se di no si va a pericul che ti parin fûr de Belgjiche, parcè che magari tu sês stranevôt di cualchi legjonari (ma lôr magari a disaressin mercenari) de Cjargne parât dentri a fuarce intune spedizion romane. E di chê altre bande al è ancjemò plui fuart e plui atuâl il pericul che cun chê dal Imperi Roman il nazionalisim e imperialisim talian al pretindi di comandâ su dute la penisule balcaniche e magari su dute Europe e su dut il mont.
Post a Comment