Ce che si sa dai acjadiments umans prime de scriture e je la preistorie: la plui part dal timp de nestre specie al è passât in cheste ete e dome i ultins miârs di agns a son ce che si dîs storie cun precision terminologjiche, stant che si tache a vê ancje testemoneancis scritis.
Ce che si sa de vite des feminis e dai oms prime che a scrivessin al ven scuasit ad in plen des testemoneancis archeologjichis: vues, pieris lavoradis, creps, imprescj di metal e di altris materiâi e v.i..
Cundut che e covente une vore di prudence e di esperience, i studiôs a rivin a otignî di chescj reperts tantis informazions e cussì a dividin i periodis preistorics in etis segnadis di une cierte tecniche o di une cierte culture.
1 comment:
Eh ma ce biel sito! Chiste vôlte chel ch'a nol cjacare il furlan al si met a imparâlu!
Complimentons!
Post a Comment